小火焰韓式咖啡廳 (金山樓) (已結業)

夜晚肚餓搵個好地方醫肚，發現大圍原來開咗小火焰喎，晚餐選擇都幾多。最後叫咗個柚子淮山雞翼麵(＄72 ），聽個名好吸引，實際味道都唔錯，有番茄濃湯嘅湯底，番茄味濃烈鮮甜，十分喜愛。雞翼有三隻，煎得好香，同時能夠食得出有柚子味，應該係加咗啲柚子蜜喺面頭，仲有少少芝麻點綴。另外仲有粟米和雲耳條等配菜，麵質都幾爽口彈牙，整體評價不錯。隨餐仲附送一小碟泡菜，味道不錯呢！另外仲叫咗杯紅柚荔枝梳打，大大杯連埋個樽插喺上邊，賣相得意特別，味道清甜，飲完成個人都涼浸浸呢！