微笑Box (已結業)

位於中上環嘅蘇杭街一直都係美食集中地，無論係港式冰室、車仔麵、日式拉麵都一應俱全。但今次經過附近午餐，反而睇中咗呢間外表唔太起眼嘅「微笑韓國美食－微笑Box」。微笑Box嘅座位唔多，一眼都可以睇晒成間鋪面，亦見到唔少人叫咗豆腐湯嚟食。午餐價錢都只係$60至$70，其實作為韓國料理價錢亦都中規中矩。特別嘅係午餐餐牌主打「無味精」，如果愛好健康同住家味道嘅朋友都應該會適合。前菜 － 青瓜芽菜、泡菜、餃子首先每一個午市套餐都會附送一碟前菜，驟眼睇落份量都唔少。個人比較欣賞佢嘅青瓜，醃得唔會太酸，算係幾開胃。芽菜嘅麻油味都足夠，無太大特別。泡菜亦都幾適合港人口味，唔會太辣。而餃子反而感覺有點味淡，但作為前菜都算係不過不失。泡菜辣炒豬肉蓋飯而呢一個午餐蓋飯反而有啲意外收穫，如果經過幫襯午市嘅朋友亦不妨一試。首先泡菜同豬肉嘅份量係超多，基本上仲多過啲飯！另一邊廂泡菜同豬肉嘅份量都非常均勻，唔會互相搶咗大家嘅風頭。炒豬肉亦都十分稔身，甜辣醬嘅唔會太辣，食落啖啖香口。配合煎蛋令到成個飯層次再提升，唯一挑剔係蛋黃有點過熟，但整體嚟講算係性價比不錯。味道 ⭐️⭐️⭐️⭐️服務 ⭐️⭐️⭐️環境 ⭐️⭐️⭐️性價比 ⭐️⭐️⭐️