影片
更多
2021-04-23
2404 瀏覽
自從轉工同無打泰拳之後就好少過海，是日中午、晚上兩餐都喺港島解決，再染個靚䯭，實行一次過將所有要做嘅事做齊。選來一間樓上西餐廳，空間感足，坐得舒服。Corn & Potato Soup (Set lunch)是日餐湯係忌廉湯，薯仔同粟米味都幾濃，不過飲落有啲粟米皮阻住，如果可以隔渣隔得徹底一點更好。Bacon Salad (Set lunch)蔬菜新鮮，煙肉鹹香惹味，係一道簡單稱職嘅頭盤。Char Grilled Salmon $188 (Set Lunch)三文魚端上時五顏六色，擺盤吸引，肉質嫩滑唔腥；忌廉菠菜幼滑，配魚同吃更顯相襯。Grilled Rib-eye Steak served w/ Grilled Veg (Mushroom Sauce) $198 (Set Lunch)牛扒燒成格仔網狀，未食先加一分。牛扒略薄，幸好牛味濃郁軟腍，帶炭燒香氣，伴上烤過蔬菜特別甜，好好味。Panna Cotta (Set Lunch)起初對淋面嘅橄欖油抱有懷疑，細嚐下原來係basil infused olive oil，估唔到如此清新合拍，驚喜到位。小小一杯，滿足甜胃之餘亦無負擔，討
選來一間樓上西餐廳，空間感足，坐得舒服。
Corn & Potato Soup (Set lunch)是日餐湯係忌廉湯，薯仔同粟米味都幾濃，不過飲落有啲粟米皮阻住，如果可以隔渣隔得徹底一點更好。
Bacon Salad (Set lunch)蔬菜新鮮，煙肉鹹香惹味，係一道簡單稱職嘅頭盤。
Char Grilled Salmon $188 (Set Lunch)三文魚端上時五顏六色，擺盤吸引，肉質嫩滑唔腥；忌廉菠菜幼滑，配魚同吃更顯相襯。
Grilled Rib-eye Steak served w/ Grilled Veg (Mushroom Sauce) $198 (Set Lunch)牛扒燒成格仔網狀，未食先加一分。牛扒略薄，幸好牛味濃郁軟腍，帶炭燒香氣，伴上烤過蔬菜特別甜，好好味。
Panna Cotta (Set Lunch)起初對淋面嘅橄欖油抱有懷疑，細嚐下原來係basil infused olive oil，估唔到如此清新合拍，驚喜到位。小小一杯，滿足甜胃之餘亦無負擔，討喜。
以一杯熱檸水作結，食飽去處理公務去。
張貼
