越南牛肉粉專門店 (已結業)

今天放假到中環辦些事及順便逛一逛，到午飯便選擇呢間 Pho Tai。
如我冇記錯，從多年前幫襯，中環行人電梯呢間係第一間店舖，嗰時我覺得呢間越南食店嘅食物水準好掂，係中環區來說價錢亦算合理，差不多一年冇幫襯，不知水準如何？

1

因我不太喜好牛肉，我便拼了呢個套餐 : 香茅豬扒飯＋上湯時菜跟一杯蓮花茶

香茅豬扒飯 - 不知是否物價及租金高漲，呢塊豬扒點解縮左水，我都唔夠食，最後都要加黑醬油嚟送飯，男生一定唔夠喉。言歸正傳講味道，豬扒點上隨飯付上的甜酸汁及黑醬油，再加淋上豬扒嘅炸香蒜葱油，仍然保持咁好味道，不過相比以前的水準就始終失色得多，因以前嘅炸豥扒帶有點肥肉，所以食落帶有點甘香及嫩滑，現有的豬扒感覺有啲嚡但仍可接受。 :(

蓮花茶 - 冇玫瑰花或薰衣草等花味咁濃，祇是淡淡然的感覺，係唔想飲甜飲的另一種選擇。