新巴黎越南餐廳 (已結業)

呢間越南菜喺金百利五樓，唔算好出名，成間鋪裝修到幾簡單，不過色調係有啲東南亞風嘅 其實呢間越南菜勝在平靚正，老銅喎，鋪租幾貴就係人都知啦，嘢食嘅價錢都水漲船高。不過新巴黎就幾平，我同friend兩個人食夾埋七十蚊有找，晚餐喎真係算平架喇 講番嘢食啦，我同朋友食咗豬肉凍檬同豬扒河，凍檬嘅靈魂其實係在於嗰樽汁（其實叫咩名呢，即係撈檬粉嗰啲呀），呢度嘅汁做得好食，唔會太酸，我都好重手落咗好多 豬肉係烤過嘅，好香，食落唔鞋，唔錯豬扒河都唔錯架，其實我幾鍾意湯底嘅味道，同埋都好足料，幾大碗又多豬扒，值得一讚！