百份百餐廳 (已結業)

簡單晚餐呢一晚同男朋友去咗百分百食夜晚，因為中午食完都飽，所以只係叫咗兩樣野，鐵板海陸空餐即係雜扒同油鹽水煮蜆。鐵板海陸空餐有雞扒、豬扒同魚柳，配意粉，連餐湯羅宋湯及野飲熱檸水。呢個餐嘅份量都大，啲扒同魚樓size可以接受，一大注意粉，底下仲有配菜，半個蕃茄，大食嘅人都夠飽。野食質素可接受，魚柳幾好食，其他扒都ok，不難食。油鹽水煮蜆有連同粉絲，小小菇，蜆肉份量少，肉質量麻麻哋，感覺唔算太新鮮。不過有連粉絲都飽到小小，湯味都ok。鐵板海陸空餐$72，油鹽水煮蜆$32，無加一，埋單$104。