八度半

以前經常幫襯呢間小店，但自從換左老闆後，就來少左，因為覺得食物質素好似有點吾同左😅

我地叫左肉躁飯各一，炸雪魚豆腐同鹽酥雞。

炸雪魚豆腐，滑身同好味，用雪魚作為材料，但完整到豆腐既口感，完全冇魚既腥味。外脆，但內嫩滑，呢個值得推薦。

肉躁飯，自從換左老闆後，質素真係下降左。飯稍嫌有點凍，但肉躁撈飯都算ok的，不過硬係覺得以前好味啲。肉躁同飯既份量如果上菜時覺得吾夠，可以要求職員加大份量。

鹽酥雞，帶有小許辣。以前比較鬆化，外脆內軟。但而家炸得有點乾身，面粉皮仲多過雞肉。

野飲係台式飲品，份量都大。