青越 (已結業)

呢間越南菜開咗喺坑口地鐵站出面嘅商場 見佢平均一個午市套餐都係40至50幾蚊好似幾抵食 於是就入咗嚟試吓大部份越南湯粉撈檬 都有得食 仲有啲特色泰式菜添我哋幾個人都叫咗個湯粉午市套餐好抵食都係$45左右 凍飲就加$3 熱飲免費順花香茅豬扒河粉 $45 炸豬扒同埋河粉係分開上嘅 免得炸豬扒林晒 豬扒都炸到幾香口而且肉質都幾厚實 醃得幾入味 原本係一大塊剪開咗三小塊 份量都足夠😆個湯底都唔係幾油 清清地 河粉份量唔算多 未滿一大碗 不過都夠我食嘅熱奶茶都尚算香或普通茶餐廳水準