美心香港地

雖然係美食沙漠，不過有唔少餐廳進駐，晚市間間餐廳都排哂長龍。尼間餐廳環境大，坐位多。上菜速度快。

叫左菠蘿咕嚕魚塊($72)，京都肉排($72)。小菜跟白飯及例湯，或者熱飲。

菠蘿咕嚕魚塊

$72

魚塊份量多，有7至8塊，大小亦適中。甜酸味道非常突出，不過味道可以淡番少少，醬汁唔駛太多。配菜菠蘿，三色椒，洋蔥多，所以材料非常豐富，抵食小菜。

京都肉排

$72

京都肉排味道甜甜地，豬排有6至7件，大大件，肉質唔韌。加埋洋蔥一齊炒香。不過，同樣醬汁可以唔駛太多。

整體，小菜大份抵食，而且有套餐，多10幾蚊，見到其他人食，套餐份量都幾多。