影片
更多
2012-02-29
292 瀏覽
對於鐘意掃街既本肥牛, 台灣實在太o岩我啦~ 呵呵, 台式飲品, 大雞扒 , 麵線, 鹽蘇雞, 真係無一不歡不過手抓餅, 我真係未食過, 不過有一日因為想減肥, 打算坐巴士時早dd落車行返去做運動, 點知見到手抓餅專門店, 結果....又肥了.... ..5ºC台式手抓餅專門店係位於屯門龍門居巴士總站附近食店林立既食街 (減肥仲要經過食街....自己都覺得蠢......) . 門面一看, 就好似有好多食物相既板圍出來既陣地一樣, 只有做手抓餅既位置同比佢地出入既左手邊位置係空出來, 話雖如此, 如果你完全無IDEA想食D咩, 你企係前面實搵到你想要既野....我? 我就唔鐘意食一D COMMON既野既, 我食就要食佢地既特別D既野, 所以明顯貼晒出來既唔食, 我就食左佢既推介 : 芝士手打漢堡, 同肥牛手抓餅.... (今次仲唔肥死....? )個芝士手打漢堡個包口感有小小似大家食開既脆豬包 , 賣相同佢貼係做手抓餅哥度既DISPLAY唔同(你可以放大門面張相會見到), 無咁多芝士流出來, 肉唔似佢咁頂到個包咁高, 不過咪睇佢好似貨不對辦, 其實佢都真係好大件下.我隻手算係好大架 ,
不過手抓餅, 我真係未食過, 不過有一日因為想減肥, 打算坐巴士時早dd落車行返去做運動, 點知見到手抓餅專門店, 結果....又肥了.... ..
5ºC台式手抓餅專門店係位於屯門龍門居巴士總站附近食店林立既食街 (減肥仲要經過食街....自己都覺得蠢......) . 門面一看, 就好似有好多食物相既板圍出來既陣地一樣, 只有做手抓餅既位置同比佢地出入既左手邊位置係空出來, 話雖如此, 如果你完全無IDEA想食D咩, 你企係前面實搵到你想要既野....我? 我就唔鐘意食一D COMMON既野既, 我食就要食佢地既特別D既野, 所以明顯貼晒出來既唔食, 我就食左佢既推介 : 芝士手打漢堡, 同肥牛手抓餅.... (今次仲唔肥死....? )
個芝士手打漢堡個包口感有小小似大家食開既脆豬包 , 賣相同佢貼係做手抓餅哥度既DISPLAY唔同(你可以放大門面張相會見到), 無咁多芝士流出來, 肉唔似佢咁頂到個包咁高, 不過咪睇佢好似貨不對辦, 其實佢都真係好大件下.
我隻手算係好大架 , 我都一手O岩O岩好, 食完真係好飽.... (迷之音: 你仲有手抓餅喎!).......手打牛肉好棉, 肉汁夠, 配起內裡既蕃茄同小量生菜絲一齊食, 真係幾夾! (不過小心肉汁太多食到一手都係...) , 芝士算係剛剛好, 無圖中咁多, 不過如果芝士太多又會好溜, 或者咁反而O岩O岩好!
因為見到個做手抓餅既鐵板有D肥牛, 所以我就叫左個肥牛手抓餅, 係做既時候佢問我使唔使加芝士, 加左仲正, 老闆....你唔講正我或者忍到, 你講到仲點忍? 一於加啦! 老闆就係後面囉左個唔知係膠袋定係保鮮紙包起既餅團, 拆袋之後一野撻係個鐵板度, 用工具去壓偏同拉開個餅
做起上來有D似日式鐵板燒, 你會見到老闆會將一個小麵包咁大既麵團壓成薄片, 之後就會煎得兩面微微金黃, 同時間佢就把肥牛煎熟做配菜, 手法熟練, 睇佢做都幾有FUN
之前未食過手抓餅, 原來手抓餅都幾有彈性, 好煙韌, 食既時候小心失儀哦! 我就食到尾時因為要扯來食, 搞到成面芝士~ 呵呵個餅疊到好似PANCAKE咁樣款, 雖然係疊埋, 不過唔會好厚, 咬下去同時感受到包, 肥牛和芝士既美味, 雖然食起來有D辛苦(要扯), 不過好味 , 就算啦~
同場除左手抓餅, 仲有大雞扒, 鹽蘇雞等等台式小食, 如非對油膩野有反感, 否則應該實有一樣O岩你口味, 另外台式飲品都有, 價錢相宜, 大家都可以考慮 (不過飲品我就無試了~)
張貼
