新明發食家 (川龍街) (已結業)

到荃灣工作，順便開飯，係指定動作。不過一時間想唔起荃灣有咩好食？既然冇心水，食啲簡單嘢穩陣。行過一間新舖（門口好多花牌），好，就試吓排骨飯啦－因為佢話係招牌，一試之下，果然有招牌風範，排骨軟硬適中，排骨汁沁入米飯，好入味，只要少少豉油就夠，眾所周知，排骨飯一定用雪貨，但一啲雪味都冇，功夫做得好足，惟一缺點係份量對大食如我者會唔夠喉，再食多一客佢哋推薦嘅潮州粉果，同市面上大部份粉果唔同，入面只有蘿蔔絲和虾米，但味道不錯，可以一試，未必合所有人口味，但所有人都鍾意嘅嘢根本唔存在（除咗錢），佢哋重有牛腩面，牛丸等，聞落幾香，下次再試。呢餐２７蚊，都算相宜。