十勝牛和食料理

營業中

休息中

今日想去試新口味下午茶，於是去左屋企附近既十勝牛。我刻意揀左個份量唔太多既餐，首先講下個前菜，係兩件蟹柳寿司黎既，飯握得好實，但飯既質地一D都唔硬，有適當既醋酸味，而蟹柳大大條，幾新鮮。黎到主菜，湯底係奶白色既豬骨湯，咸味適中，而烏冬係最普通果隻，無乜韌度既，一咬就斷，如果煙韌D會更好，但烏冬本身都好滑，吸收埋湯汁，味道好夠，配合埋幾片新鮮海苔點綴，好日式既感覺。最後飲返杯清甜既熱菊蜜，真係劃上完美句號。