築地‧山貴水產市場

原本去南丫島，但去到尖沙咀碼頭時，風雲變色下，改去灣仔碼頭上面著名的築地市場試下啦！時間剛開始營業，人流唔太多，唔似去年新開業人生人海。我同媽咪先去了立食區吃剌身，進口水產各款各樣的，好fresh，第一次在香港可以吃到鮮甜海膽，好嫩滑，回甘，一啲都唔‘腥’。點咗海鮮拼盤，可以一次吃完不同新鮮水產，除咗海膽「一番」，南非五頭鮑魚都好好味，彈牙得來又好有口感，好軟滑。生蠔（好鮮甜）、赤貝（爽口）、東風螺都好味，煙煙靱靱。帆立貝、青口和凍蝦是一般的。配上杯藍梅味梅酒on the rock，簡直perfect！

跟著去隔離的海鮮丼區食七色北海道丼，有三種食法：1就咁樣食，2紫菜手卷包住食，3用少許飯放在碗裡面，然後交給職員再加上茶漬。一次過品嚐有海膽（好鮮同上面的拼盤一樣咁好味）、帶子好滑、中吞拿魚腩（入口即溶）、牡丹蝦好爽甜、三文魚子大大粒滑入口，好甜啊又咁‘腥’。茶漬好香濃玄米茶味，又夠熱。再加野菜烏冬，清甜湯底，簡單一片冬菇，津菜，甘荀片一樣咁好味，烏冬好滑又好彈牙，與坊間食店相比之下，確實味分高下！
有位女職員介紹我們今天的鮮魚好抵食，初初唔知叫咩‘乜弗’，後來她帶我們來到水產區現場看才知道原來這條推介的魚名叫‘魴鮄’-音（彷佛），刺身食最好，不建議燒，她幫我們揀了最肥美一條，魚肉好甜好滑，剩餘的魚骨魚頭中可以加些錢加麵豉連魚骨煮成湯，好好味，犀利！估唔到可以食盡其美！今次食得好滿足，下次有機會再去食其他，浜燒區同食龍蝦包。

海膽、鮑魚、生蠔👍🏻😋

$358

七色北海道丼

$238

茶漬

小條

$180

魴鮄刺身食

魚湯鮮甜😋👍🏻

$60

睇相就知道湯有幾熱吧

$38

立食區