一直覺得呢間野食唔錯，但今日去完，就覺得可以byebye呢間野。
事緣去食晚飯，有一大群中年呀姨呀叔，起初聲量還可以接受，但後黎旁若無人，當係自己屋企咁大聲喧嘩。但呢個都係客人問題，總係會有冇公德心既人，唔緊要。
但竟然老闆娘同佢地一齊傾計，仲講得最大聲。我同朋友坐對面，用正常聲量都聽唔到大家講咩。我食左1個幾2個鐘，個段時間入面，老闆娘同佢啲所謂"vip"朋友一直冇停過大聲傾計。我都知係香港，你係要求唔到侍應叫隔離靜啲 (香港餐廳點會敢得失啲客)，但你作為老闆娘，唔單止唔處理下個情況，仲令成個情況惡化左，點樣做餐廳呀？
眼見隔離個枱勁快食飽閃左 ，實在唔願意再坐多陣，成餐飯好似去左旺角茶記食咁，差啲要戴番個耳機。
其實餐廳真係唔大，老闆娘你都唔係幫人包場，人比錢我比錢，點解我比錢食飯，仲要忍受你啲貴賓大聲喧嘩先？重點，我係呢到食飯，都已經唔係第一次發生呢種事。
平心而論，呢到啲扒係幾好食既，但餐廳唔係只係靠食物囉。總之結論就係，呢個價錢，我可以去間靜啲，啲服務有質素啲既地方囉💁🏻
以上食評乃用戶個人意見 , 並不代表OpenRice之觀點。
讚好
積積私房菜
絕對同意，你講得啱，我去茶記無得要求，但果度都算係一間*，唔好大教壞細，如果老板娘都係咁嘈，啲細平時都會有樣學樣，我都試過去一啲老板問伙計現場講嘢嘈過執天嘅*仔，所以完全明白你感受。呢個老板娘適宜開大排檔。。。哈哈哈！
用餐途徑
堂食
