AGE Cuisine Express

營業中

休息中

隱世嘅西餐廳，七點上到去冇咩人，佢呢個位主打都係午市附近返工嘅人。叫咗兩個dinner sets，海膽，香煎帶子海鮮汁意大利粉伴香蔥蛋醬 $212，燒美國Prime 級牛扒（8oz） $248，套餐包咗湯飲品同甜品，湯就普通羅宋湯，加一個好細嘅包，連牛油都冇。飲品就只可以叫奶茶檸茶之類普通飲品，其他就需要再加錢。個意粉幾好食，佢嘅醬甜甜地，而且都算掛到汁，帶子就三粒，牛扒啲肉質幾靚，食落牛味唔算重，都有少少跟位係比較硬，不過整體嚟講都算爽口，點埋啲醬嚟食不過不失。甜品三粒細細舊蛋糕仔，兩舊朱古力，一嚿咖啡味，幾好食。兩個餐連加一$506 ，算得上中規中矩，未至於吸引到覺得好抵食，餐廳有電視，播緊奧運直播，但安排我哋坐距離電視最遠嘅位置，而且音樂好大聲，所以都聽唔到電視嘅聲。環境係茶記嘅感覺，店員服務普通。