意粉屋 (已結業)

前幾排奶奶比o左張coupon我o地, 係幫襯意粉屋任何主菜就送你一個大pizza, 我o地見幾吸引, 就去o左食啦! 我o地點o左:1)侍應當日推介o既黑椒蜜汁雞翼, 我就覺得麻麻地啦, 唔入味, 得面頭有層蜜糖同幾粒黑椒, d皮又唔脆又無o黎味道, 仲話推介!2)炒什鮮菌, 呢味唔錯, 又夠大碟, 只係$38, 算係ok啦! 睇到裏面有唔同o既菇, 食得出係用olivia oil炒, 清清地, 幾ok o架!3)焗牛油果三文魚炒飯, 呢味真係幾好味, d飯用香料炒過, 所以係黃色, 落足料, 嗒嗒三文魚肉, 牛油果就略少, 但係都ok, 最緊要係新鮮滾熱辣上, 芝士舖面, 下次要再encore!4) 珍寶pizza, 個人認為好d皮好食過pizza hut, 皮邊脆卜卜, 熱辣辣, 又係落足料! 差d食到停唔到口! 今晚沒有比侍應催住走, 慢慢嘆, 埋單仲可以用過期會員咭有9折o忝! 真係以想不到呀!