小王牛肉麵 (已結業)

趕時間下晝做trainer要預備，lunch頗趕急。與同事去咗就近嘅世貿中心，一見到水牌有牛肉麵，我就雙眼發亮要求去呢間！坐低唔使點諗，就要咗半筋半肉粗麵連酸菜。嚟到見到湯底呈深竭色，嚐一口味道略帶辛口，牛味略淡，非我愛的濃郁，但味道還是好的。粗麵扁扁的，原本擔心太冧甚至削，但咬落居然有少許彈身，扁麵來說麵質還討好。約有6-7嚿筋/肉，筋夠軟冧而肉質亦然，而且夠入味，但比例來說餸太少而麵太多，結果我冇食哂啲麵，不過亦只屬半飽，只因避免麵氣攻心集中唔到。配料酸菜不過鹹過酸，不錯。下次會再嚟試幼麵同滷水。