啲位同枱都放得唔算逼，服務員態度十分好，而且講一句就知你想要乜。 叫左醉雞鍋會幫我地睇住幾時熟，幫我地熄爐。 雞係嘉美雞，好好食，好厚肉。 上菜節奏較得好好，唔會成堆拎晒黎。
叫左小象拔蚌，好新鮮，係薄切，wasabi 都係成支比，亦有一舊嗰種。
肥牛既款式都好夠，亦唔會一黎就放低晒係枱慘血。 你感受到你食緊既係好既食材，服務員唔會嘥左你既食物。 感覺幾個服務員都係識食既人。
總體全部都係好嘢，連竹庶茅根都好味過人，有90年代嗰啲貴火鍋既水準。
唯一係⋯⋯ 香港人唔deserve 呢啲咁高水準既打邊爐。 我之前食過幾間呢個水準，最後都結業。 比心機做高水準既火鍋店，可能客戶群體唔夠大。 反而放題食垃圾生意重好。
1
