𝗪𝗛𝗔𝗧 𝗪𝗘 𝗢𝗥𝗗𝗘𝗥
特選燒肉套餐（2人) $588
✨ 免治和牛多士
燒肉套餐除左燒既肉之外，竟然仲有和牛多士
外脆內軟既和牛多士口感真係好豐富，係其他餐廳單點都唔平，而大眾燒肉呢度既質素一d都唔差
✨ 厚切牛舌芯
厚厚既牛舌芯，2人餐份量足足都有6大片！爽口彈牙非常正！
✨ 味噌五花
甜味好重既五花腩，甜味好好咁去除左五花既油膩感。
✨ 天使和牛肋肉
同樣厚身既和牛肋肉，油脂均勻，肉味香濃
成個套餐入面既牛肉黎講我就最鍾意佢❤️
✨ 和牛沙巴當
食完厚切既牛肋肉，就食返薄身d既沙巴當。
沙巴當呢個部位由來係日本和牛最上級靚牛先會切出嚟嘅一個部位, 位於肩部中心最靚嘅一舊稀有部位。肉味比牛肋肉更重，相對較少油份，即使薄切，都依然食到飽滿既口感。
✨ 千本筋
牛展既千本筋，好軟好滑，食落又唔太似牛展咁樣有個種難咬既煙韌感。
✨ 柚子雞肉
柚子雞食口感非常好，好彈牙同時又好滑，
燒耐少少都無老到。食落感好似以前食過既阿波尾雞既雞肉。
✨ 野菜五盛合
✨ 紫菜月見丼2碗
✨ 芝士年糕
✨ 雞皮餃子
✨ 冷泡白桃烏龍茶 2杯
無錯，588既二人套餐除左以上咁多款食材之外，係仲包兩杯冷泡烏龍茶架！係咪即刻覺得cp值勁高?
🍸 檸檬威士忌梳打 $38
另外，酒場嘛，當然要試一試佢地既酒品
檸檬威士忌梳打，用左三得利既威士忌，加入梳打水，再加上切開既新鮮檸檬
口感清新，易入口，小心一唔小心就醉左呀
