影片
更多
2021-07-11
88 瀏覽
朋友約咗我去筲箕灣食呢間新”Dirty Skillet”，見到餐廳裝修得好靚好新淨。問返原來開咗冇耐，但係就見到好多人嚟食飯同埋影相打卡。餐廳裝修走遊樂園風，我特別鍾意呢個旋轉木馬嘅佈置。我同朋友叫咗兩個前菜，分別係燒紅菜頭沙律同埋辣羊肉雞心豆蓉。燒紅菜頭沙律除咗入邊有蕃茄沙律菜同埋紅菜頭之外，仲加埋啲奶酪芝士同埋青瓜喺入邊！整體感覺清新而且醬汁好開胃！👍另一個前菜雞心豆蓉就比較特別，比較少喺香港嘅餐廳見得到所以我哋就叫咗嚟食啦。呢一款有啲似中東菜嘅食物其實係Hummus ，有啲似薯蓉嘅口感，但係其實佢係雞心豆嚟嘅。連埋啲羊肉擺晒係多士上面食唔錯！主菜方面，我哋就叫咗個西班牙豬肉腸意粉伴番茄醬。呢個意粉係比較粗身少少嘅所以面上邊啲汁都能夠掛係啲意粉度！所以食落特別好食。個醬汁係用新鮮蕃茄蓉整出嚟，比起其他餐廳嘅更加健康。另外除咗呢度啲嘢食好食之外飲品亦都係啱晒打卡而且好好飲！我特別鍾意呢一個Fresh mango lime soda! 佢上邊真係有好大片嘅芒果，而且梳打同芒果嘅甜味溝翻淡啲。都好好飲至於甜品方面我哋叫咗個梳乎厘奄列，呢個甜品好食真係不得了。梳乎厘已經夠難整，佢仲要整到成
我同朋友叫咗兩個前菜，分別係燒紅菜頭沙律同埋辣羊肉雞心豆蓉。燒紅菜頭沙律除咗入邊有蕃茄沙律菜同埋紅菜頭之外，仲加埋啲奶酪芝士同埋青瓜喺入邊！整體感覺清新而且醬汁好開胃！👍
另一個前菜雞心豆蓉就比較特別，比較少喺香港嘅餐廳見得到所以我哋就叫咗嚟食啦。呢一款有啲似中東菜嘅食物其實係Hummus ，有啲似薯蓉嘅口感，但係其實佢係雞心豆嚟嘅。連埋啲羊肉擺晒係多士上面食唔錯！
主菜方面，我哋就叫咗個西班牙豬肉腸意粉伴番茄醬。呢個意粉係比較粗身少少嘅所以面上邊啲汁都能夠掛係啲意粉度！所以食落特別好食。個醬汁係用新鮮蕃茄蓉整出嚟，比起其他餐廳嘅更加健康。
另外除咗呢度啲嘢食好食之外飲品亦都係啱晒打卡而且好好飲！我特別鍾意呢一個Fresh mango lime soda! 佢上邊真係有好大片嘅芒果，而且梳打同芒果嘅甜味溝翻淡啲。都好好飲
至於甜品方面我哋叫咗個梳乎厘奄列，呢個甜品好食真係不得了。梳乎厘已經夠難整，佢仲要整到成個奄列咁樣😍淡淡都充滿咗呢一個咁出名嘅法式甜品嘅香氣。而且食落好綿密，連埋啲cream食雖然好邪惡但係好好食🙈
張貼
