影片
更多
2022-07-23
226 瀏覽
2022年7月23日早上去排隊食早餐，準備入座時10:53am，侍應話要轉檔所以無早餐啦，要叫午餐。我話：「吓，你早餐至到11am，宜家10:55am 未到，你話無早餐？」然後又話即刻落單就做埋早餐俾我哋。間間餐廳都要轉檔，唔明呢間餐廳嘅運作，點解要預早10分鐘話停早餐，咁你不如寫明早餐供應到10:50am啦！我跟早餐叫咗凍美式咖啡，老公單叫咗伯爵茶咖啡，食食吓，見過咗15分鐘都仲未出嘢飲，就問侍應。侍應回應話要跟單整，所以要等。其實個理由唔係好合理，咁間間餐廳正常都「跟單整」，同整得慢有咩直接關係呢？隔離枱都係咁催，話等杯美式咖啡都等咗成半個鐘。侍應又係話要跟單整……再到我哋又再等多10分鐘，前後等咗半個鐘，嘢飲仲未有影。等嘢飲嘅過程，只係一直見到個咖啡師keep 住悠悠閒，慢條斯理，幾分鐘出一杯嘢飲幾分鐘出一杯嘢飲……惟有再叫侍應跟，侍應又繼續話「跟單整」。隔離枱再催，話等咗40分鐘，點解連杯美式咖啡都未整好？幾個侍應見到客人不滿，就縮埋一邊企，唔知喺無能為力，定食花生咁……唔肯定佢哋有無真係幫手追單……今次真係「等」一個人咖啡，明明只係想快快食個早餐然後走人，但我食完成個早餐都仲
我跟早餐叫咗凍美式咖啡，老公單叫咗伯爵茶咖啡，食食吓，見過咗15分鐘都仲未出嘢飲，就問侍應。侍應回應話要跟單整，所以要等。其實個理由唔係好合理，咁間間餐廳正常都「跟單整」，同整得慢有咩直接關係呢？隔離枱都係咁催，話等杯美式咖啡都等咗成半個鐘。侍應又係話要跟單整……再到我哋又再等多10分鐘，前後等咗半個鐘，嘢飲仲未有影。
等嘢飲嘅過程，只係一直見到個咖啡師keep 住悠悠閒，慢條斯理，幾分鐘出一杯嘢飲幾分鐘出一杯嘢飲……惟有再叫侍應跟，侍應又繼續話「跟單整」。隔離枱再催，話等咗40分鐘，點解連杯美式咖啡都未整好？
幾個侍應見到客人不滿，就縮埋一邊企，唔知喺無能為力，定食花生咁……唔肯定佢哋有無真係幫手追單……
今次真係「等」一個人咖啡，明明只係想快快食個早餐然後走人，但我食完成個早餐都仲未等到杯美式咖啡……最後等咗35分鐘，竟然喺老公杯隔伯爵茶咖啡嚟先，然後再等多一陣，我終於飲到杯普通嘅美式咖啡……
唔係好明呢間餐廳嘅流程，希望管理層可以跟進改善一下。
張貼
