沙嗲王 (已結業)

依間無𨋢老人家唔太方便.餐廳有2層，每層空間都唔大點餐後等候左略長時間先有第一款食物上檯.全部食物上晒餐需時個鐘.但飲品過個鐘後先上檯.唔止我一張檯係咁嘅情況，所有餐檯都係等好耐先有食物.避風塘鮮魷皇子（$50）：份量都多味道濃.蟹粉豆腐鍋飯（$76）：每次必點，蟹肉份量都足夠，好濃郁嘅蟹粉味，溝埋淡味豆腐味道都仲好濃郁，每一啖都有蟹粉蟹油.送飯一流！石鍋XO醬蘿蔔糕（$48）：味道一般，XO醬少，蘿蔔糕偏軟冧冧，一夾就散開！蘿蔔糕原本嘅餡料都好少.菠蘿碧海（$25）：味道一般般，入有少量菠蘿肉.