等等HEA

營業中

休息中

是日平安夜，放飯時間梗係要食餐好㗎啦～同事就介紹左一間位於九龍城嘅台式餐廳「等等HEA」。千祈唔好俾餐廳個名呃咗， 啲菜式一啲都唔HEA， 落單之後啲野食仲好快就到添。 一入座，侍應會畀一張有印有QR Code嘅單。食客可掃描QR Code自行落單， 既方便又快捷。餐廳有好多菜式選擇， 除咗午市套餐，仲有較少係台式餐廳見到嘅爐端燒~實體menu仲好有心思咁加左d插畫同文字。我地叫左午市套餐嘅紅燒牛肉刀削麵及手工魯肉飯伴台式烤腸及糖心蛋。紅燒牛肉麵味道濃郁， 刀削麵嘅質地亦好煙韌。魯肉飯性價比高，所用嘅豬肉唔算肥膩，配上香腸及溏心蛋，好足料。