影片
更多
2016-02-14
1244 瀏覽
住咗中西區二十幾年，朋友約我去歌賦街，我竟然唔識路要搭的士，去到歌賦街都揾唔到間舖頭，真係比救命更救命。實在要拎我去勞改一下！Anyway. 點解呢我會走咗來歌賦街呢? 就係因為我最鍾意冬天食雪糕，夏天打邊爐, 呢度開左間雪糕舖，原來係分店了，主打gelato 同雞蛋仔，朋友個呀哥讚到飛起，我地心癢癢碌上去食下！舖頭簡潔潮味十足，老闆肯定係後生潮人啦！每期提供12 款自創口味的意式雪糕 Gelato $43一球，係有點貴，不過每個味道都十分特別，睇得出係足料誠意之作，所以$43 值回票價話須如此，我呢d 窮苦打工仔，又要慳食有品味再呃like ，又點可以叫一球雪糕，但兩球又爆quota . 所以我呢個慳妹想出了個天大諗頭！我叫了個 Jar-Lato $58 頭頂加個紐紋軟雪糕，埋單全份$68 . 淨係個樣已經夠大堆頭！Jar-Lato $58 red velvet jar四層包括有: Hokkaido Milk gelato / red velvet cake chunks / cream cheese curd / cinnamon crumble紅絲絨有幾健康我就唔太清楚，甜野健康
住咗中西區二十幾年，朋友約我去歌賦街，我竟然唔識路要搭的士，去到歌賦街都揾唔到間舖頭，真係比救命更救命。實在要拎我去勞改一下！
Anyway. 點解呢我會走咗來歌賦街呢? 就係因為我最鍾意冬天食雪糕，夏天打邊爐, 呢度開左間雪糕舖，原來係分店了，主打gelato 同雞蛋仔，朋友個呀哥讚到飛起，我地心癢癢碌上去食下！
舖頭簡潔潮味十足，老闆肯定係後生潮人啦！
每期提供12 款自創口味的意式雪糕 Gelato $43一球，係有點貴，不過每個味道都十分特別，睇得出係足料誠意之作，所以$43 值回票價
話須如此，我呢d 窮苦打工仔，又要慳食有品味再呃like ，又點可以叫一球雪糕，但兩球又爆quota . 所以我呢個慳妹想出了個天大諗頭！我叫了個 Jar-Lato $58 頭頂加個紐紋軟雪糕，埋單全份$68 . 淨係個樣已經夠大堆頭！
Jar-Lato $58 red velvet jar四層包括有: Hokkaido Milk gelato / red velvet cake chunks / cream cheese curd / cinnamon crumble
紅絲絨有幾健康我就唔太清楚，甜野健康極都有個譜，但係成個Jar lato 就清清地，絕對唔係漏，我唔太好甜野都成個清曬無問題！
再on top 加個紐文雪糕，雲呢拿溝香濃朱古力味！香濃朱古力味的確很香，而且唔會過甜，真心香滑好味!
Jar-Lato 頭頂加個紐紋軟雪糕的設計大概已經好似僭建咁高，呃like 已經贏左, 而且唔漏又清清地(大家要明白唔係個個都吃得咁甜) ，你話我呢個mix and match係咪掂先！
再叫埋朋友點個令人徘徊喺冷靜同熱情之間嘅臘味雞蛋仔$28 ,臘味。。。配雞蛋仔，相信你落單嘅時候都會同我一樣忐忑，
傳統港式小食配上臘味？係無人同你推薦前，你未必夠膽叫，既然係潮店！怕甚麼，誰怕誰，店長給我來一客！
外層香脆的雞蛋仔，蛋醬豐滿，臘味唔係臘腸咁簡單，大家都知道臘腸係大少少甜，感覺上應該係會配到雞蛋仔，但呢度嘅臘味雞蛋仔係真係有臘腸潤腸同埋臘肉咖！ 仲要切粒充滿口感！而估唔到嘅係，雞蛋仔和臘味竟然變成perfect match ,而且帶點臘味油的雞蛋仔比平時食的更香口！再中和下剛剛的甜品！full 到爆！兩位慳妹扮潮人只需埋單$100, 仲找$4 可以補貼叮叮歸家，你話我條橋係咪work 先？
張貼
