亞萊泰菜 (已結業)

今日原本開開心心黎尼間新開既泰菜店試新野，但尼度既出餐次序同落單準確度真係令人激氣，佢地真係要儉討下。我叫左兩個午餐餐牌上的泰式炒飯同紅咖哩牛肉飯，另叫一碗豬网船麵同燒雞中亦。足足等左45分鐘先有得食，仲要中間不斷問，職員無正面答我等乜或仲要等幾耐，我只係不斷見到後期黎既食客有肉碎煎蛋飯食同海南雞飯食，咁午餐餐牌上既餐係未準備好定點？另外係佢地不斷出外賣餐，啲食物好快出同啲職員係咁包外賣。咩事呀？堂食單唔洗處理？？至少都要跟下次序啦！好激氣。食食下突然送上燒全雞，我地話叫左雞亦，職員唔出聲放低走左，反轉頭都唔攞走，要再同佢講先攞走。我明白可能落錯單，但啲反應唔應該係咁，唔理定唔知點算？之後都好好笑，佢都無諗住整番份燒雞亦俾我地，我地開口話取消單個職員先話“如果你要我而家整”。唉。。。可能係新手開餐廳。不過公道啲講，味道係好味。尤其係船麵，好食過元朗另一間。不過，有咁既經歷，都唔會想返轉頭 。。。