阿元來了 (已搬遷) 新店位置

今日放工特登黎試呢間台灣野，地點好唔就腳，又要行上山，不過好彩唔洗行好耐。去到已經8點，出面有短短既人龍。等左20分鐘左右，有位啦！入去坐低就叫左兩個飯，兩個小食，兩杯飲品。魯肉飯呢碗魯肉飯真係不得了，好味到爆炸。因為本人好鐘意食比較肥既豬肉，佢碗飯上面埔滿魯肉，每粒肉既肥瘦比例一半一半，加埋魯肉汁，口感味道100分，拍得住係台灣食既，而且碗飯都幾大碗，抵食。鹽酥雞炸得香脆，有台北的風味，份量都OK，不過略嫌肉質有D老，味粉唔夠多。滷味份量少，不過相對價錢都比較平。味道就一般。比較鐘意豬耳同豬肚，入味D，蛋就好普通。冬瓜茶＆茉莉綠茶跟飯加＄10就有，飲品唔係太甜，不錯。總括黎講，呢餐都幾抵食！味道不錯，有台灣風味，最鐘意魯肉飯。同埋D服務員好好人，我漏左野，佢追出黎比番我，真係好好人。