影片
更多
2012-09-04
18 瀏覽
近呢幾年,喜愛上了食雞煲,仲愈食愈辣..成三個月食左三十次都有,遲早發雞溫咁啱呢間新開又近屋企.裝修緊已經期待幾時開. 所以一心等佢一開張就去試試.我少寫食評,唔算識食.但鍾意食. 話晒等左成個月..都講兩句啦.抱歉這食評沒相片..好~~入正題喇 : 可能因為新開. 唔使排隊等位. 但我兩人都要坐四人枱了..都好多人.首先不如講下個雞煲啦..叫左個大辣..食左一兩舊得少少辣. 跟住同店員講..佢竟然成煲換俾我...跟住仲解釋返,因為新張,唔太清楚客人要求同口味.. 所以唔太重手.係我自己衰既..都應該真係食得幾辣..搞到我都唔好意思..換左之後好有返d辣味嘅感覺.. 但未算滿足..(都唔好意思再講,一陣又再換徙晒d嘢) 下次開波時一定叫加勁d..主要想講既係..未加湯時..獻汁好少..煲底會見倒有油..如果可以開始時已經有辣獻汁滾住先好似好d.d雞有炒過,好入味,好香, 但老實我唔識分係咪雪雞,(唔想扮食家) 不過d雞好滑,冇雪味,唔鞋.同埋如果要求高d.. 辣味雖然唔夠.. 但都有辣味.. 但唔持久. (我食雞煲唔會猛飲嘢)其他配菜食得唔多.. 芝心丸,蝦籽丸,炸支竹,午餐肉 蟶子(
咁啱呢間新開又近屋企.裝修緊已經期待幾時開. 所以一心等佢一開張就去試試.
我少寫食評,唔算識食.但鍾意食. 話晒等左成個月..都講兩句啦.
抱歉這食評沒相片..好~~入正題喇 :
可能因為新開. 唔使排隊等位. 但我兩人都要坐四人枱了..都好多人.
首先不如講下個雞煲啦..叫左個大辣..食左一兩舊得少少辣. 跟住同店員講..
佢竟然成煲換俾我...跟住仲解釋返,因為新張,唔太清楚客人要求同口味.. 所以唔太重手.
係我自己衰既..都應該真係食得幾辣..搞到我都唔好意思..
換左之後好有返d辣味嘅感覺.. 但未算滿足..(都唔好意思再講,一陣又再換徙晒d嘢) 下次開波時一定叫加勁d..
主要想講既係..未加湯時..獻汁好少..煲底會見倒有油..如果可以開始時已經有辣獻汁滾住先好似好d.
d雞有炒過,好入味,好香, 但老實我唔識分係咪雪雞,(唔想扮食家) 不過d雞好滑,冇雪味,唔鞋.
同埋如果要求高d.. 辣味雖然唔夠.. 但都有辣味.. 但唔持久. (我食雞煲唔會猛飲嘢)
其他配菜食得唔多.. 芝心丸,蝦籽丸,炸支竹,午餐肉 蟶子(話唔靚冇入貨) 芋絲(賣晒)
芝心丸 好食. 好流心,好芝士. 唔似得一般任砌邊爐火鍋果d咁... 鍾意食芝心丸嘅朋友一定唔會失望
蝦籽丸 冇咩特別.
炸支竹 我估係自己炸.. 睇落好似好脆, 但煲左好耐都吸唔倒水.. 搞到好乾好硬. 唯一食淨.
午餐肉 食雞煲必揀, 如果覺得"都係辣架啦" 就冇咩好講.. 但如果俾我要求高少少會希望係類似白豬仔果隻鑵頭餐肉
我見倒隔離枱d蝦好靚,今次牛都冇食添..
下次會叫多d同事朋友陪我一齊去多d人試多d嘢,
食嘅講完, 環境唔錯.唔太迫.只係店員加水有時會有少少少少碰撞, 其實應該係叫做hi倒吓..
每次都會好客氣地講接近五次唔好意思. 落單,加order,總之有任何召喚都好好禮貌好客氣.. 招呼一流.
最後講下佢係同電磁爐,冇咩特別係咪? 晌煲同爐之間加塊(特制?)膠又點睇?
我估作同就俾人搵雞攪攪吓時個煲唔會走位冇咁危險. 好細心.. 可能我見識少.. 見笑了,哈哈~~
個人認為唔差.算唔錯.但未到我食咁多間既Number 1,
但勝在近屋企.服務一流.環境好 強烈感覺到係一間有Heart 嘅食店.
一定多多支持. 加油
題外話/補充資料：
佢個Logo好得意.
(以上食評乃用戶個人意見 , 並不代表OpenRice之觀點。)
張貼