影片
更多
2023-01-29
237 瀏覽
今日一心諗住食煲仔飯，所以6:00就到油麻地，點知得佢一間開鋪。心諗本身想食煲仔飯，又突登黎到油麻地，所以是但啦，就照坐左室外。本身好期待，因為細個時屋企人會帶我去廟街食飯，愈大就唔會跟屋企人，所以想重溫返細個嘅風味，真係好期待。一坐底就好快叫咗2個煲仔飯、一碟炒蜆同一罐汽水。炒蜆同汽水好快就到咗，亦都好快手食晒。咁煲仔飯要即煲遲黎係正常嘅，所以得12度凍到震晒咁等都冇所謂啦。等咗45分鐘左右，一個煲仔飯都冇出黎，其他枱開始問侍應姨姨，當然佢地唔會知道幾時有，只會叫你等。由於其他枱早過我黎，我都冇出聲，唯有繼續等。過咗10分鐘左右，有幾枱客開始嘈，話等咗一個鐘，唔想繼續等要埋單，咁侍應姨姨當然阻止唔到。而遲黎嘅我唯有等。過多5分鐘，終於見到有煲仔飯出黎喇。雖然有啲枱走咗，但個飯係繼續煲無cut到嘅，所以一有飯其他枱見到岩就拎，又或者新枱坐低冇耐，姨姨上返之前走咗枱冇cut到嘅飯，新枱岩就照食。其實啲單開始好亂，而我都係一個煲仔飯都冇。佢開始不停出飯，但都唔見我嘅，而新黎又有飯，我前後問咗姨姨幾次，佢都係話等吓先好快有。最後7:30我忍唔住直接入咗餐廳問，佢竟然同我講第一轉啲單唔見晒，唔
點知得佢一間開鋪。
心諗本身想食煲仔飯，又突登黎到油麻地，所以是但啦，就照坐左室外。
本身好期待，因為細個時屋企人會帶我去廟街食飯，愈大就唔會跟屋企人，所以想重溫返細個嘅風味，真係好期待。
一坐底就好快叫咗2個煲仔飯、一碟炒蜆同一罐汽水。
炒蜆同汽水好快就到咗，亦都好快手食晒。
咁煲仔飯要即煲遲黎係正常嘅，所以得12度凍到震晒咁等都冇所謂啦。
等咗45分鐘左右，一個煲仔飯都冇出黎，其他枱開始問侍應姨姨，當然佢地唔會知道幾時有，只會叫你等。由於其他枱早過我黎，我都冇出聲，唯有繼續等。過咗10分鐘左右，有幾枱客開始嘈，話等咗一個鐘，唔想繼續等要埋單，咁侍應姨姨當然阻止唔到。而遲黎嘅我唯有等。
過多5分鐘，終於見到有煲仔飯出黎喇。雖然有啲枱走咗，但個飯係繼續煲無cut到嘅，所以一有飯其他枱見到岩就拎，又或者新枱坐低冇耐，姨姨上返之前走咗枱冇cut到嘅飯，新枱岩就照食。其實啲單開始好亂，而我都係一個煲仔飯都冇。
佢開始不停出飯，但都唔見我嘅，而新黎又有飯，我前後問咗姨姨幾次，佢都係話等吓先好快有。
最後7:30我忍唔住直接入咗餐廳問，佢竟然同我講第一轉啲單唔見晒，唔等得唔x等。
嘩，乜野服務態度黎，嬲嬲地埋單走。
炒蜆加汽水 $148
等左一個半鐘頭食咗個空虛同一肚氣，
無啦啦冇咗百幾蚊同白白凍住等咗一個半鐘。
仲要百幾蚊得幾粒蜆，然後我又要晒錢晒時間搵晚餐食。
聽聞本身個場係出名啲果間鋪嘅，但間鋪無開佢就霸埋黎做，好心做唔切唔好懶叻啦。
依間我永遠唔會再幫襯，我相信走咗嗰7-8枱客都一樣。
*第一次食評俾咗依間野，可想而知我幾不忿
15 瀏覽
0 讚好
0 留言
張貼
