白鬍子炸魚薯條 (已結業)

在中環天星碼頭搭小輪過尖沙嘴，突然好肚餓，諗起之前見過的fish n chips 小店，終於可以一試。鋪頭唔大，但裝修得幾有型有款，黑底白字附彩色圖的menu貼在牆上一目了然。 點咗個一口炸魚薯條，一落單就在廚房即炸，保證熱辣辣夠香脆，等5分鐘左右就有喇。食fish & chips 自然要和啤酒一齊，個人比較怕苦，就要咗支lager，比較light。 粗薯條夠香，炸魚的粉夠香脆，好味，魚肉都幾嫩滑。雖然＄50唔算太便宜，但薯條份量都幾多，兩個人分都OK。但如果多幾塊炸魚，少D薯條仲好。每盒小食都配有一款醬，有大概10款可選，如mayo, salsa,tartar 等，適合不同人口味。作為等船前的小食相當不錯。