芙蓉同源 (已結業)

今日晏晝食得好飽去到六點幾都未肚餓於是諗住買杯嘢飲飲完睇吓點叫咗小笠原抹茶鮮奶芝士奶蓋烏龍加珍珠我本身都想飲但怕飲烏龍茶會瞓唔著😂😂雖然我唔知小笠原喺邊😂😂但一聽係日本嘢就覺得無伏果然抹茶味濃 一啲都唔苦鮮綠色咁 好靚！配埋鮮奶係一流😛朋友嗰杯烏龍茶味鮮爽唔會太濃帶苦澀珍珠正常發揮我要求唔高只要唔係好似車軚咁咬極都咬唔爛就得有啲煙韌易入口已經好正最邪惡嘅係芝士奶蓋我知道好肥但係飲一啖茶飲一啖奶蓋真係好滋味唔緊要啦都係耐唔耐先一次呢間真係唔錯下次離開黃埔行街都要再買不過希望唔好再咁多人等咗20 分鐘都有啲攰