鈴木珈啡館 (已結業)

尋晚呢度食DINNER，我地4個人一共等左45分鐘先入到去，人多等下都唔奇，但係呢間野好鍾意將D大枱或者係2張2人枱拆開哂俾2個人坐，咁人數多過2人o既客，就會等左十世都入唔到去，o係我地等緊o既時候，真係好多2個人o既客好快入左去，好多都係遲過我地先黎，我同朋友都覺得呢度d座位安排真係非常之差，朋友之前黎呢間食過，見過有個男人就係因為佢自己多過2個人，所以十世都入唔到去然後對d員工發哂脾氣，呢件事都發生左好耐，估唔到呢間野過左咁耐，d座位安排都係一d都無改善，真係好不知所謂。講返d食物，我同朋友叫左牛肉rice burger拼薯條同雞肉rice burger拼薯條，$48份，份量都幾少下，男人食應該會餓死，但個味道唔錯。另一朋友叫左個意粉套餐$80，味道應該都ok。散叫o既意粉用料都係d平野，真係唔明一碟點解$68，所以無叫。我仲叫左朱古力冰鮮奶抹茶$36，個味真係超淡...朋友叫其他d飲品反而ok。