轉角 (已結業)

今晚同朋友嚟到屯門華都食晚餐，晚市好多人等，但照拎飛，最後等左差唔多一個鐘，8點先入得。嗌野食，朋友叫左個原條鰻魚滑蛋飯，佢之前食過話好食，我揀左溫泉蛋牛肉蘑菇意粉。飲品就揀咩無咩，都幾失望，士多啤梨無晒，雜果又無，連牛油果都無......鰻魚飯好似真係唔錯，但我個意粉係極難食，最後係食剩一半有多，朋友試左塊菇，已經覺得超鹹，極重口味，啲配料煎焦晒之餘，牛肉勁老，好難咬，意粉又鹹。飲品仲要好遲先送到，又唔提供水。店員又催埋單，態度好突兀。仲有個餐湯係攤凍晒，好難飲！