譽宴 (已結業)

自從呢個位置o既酒樓變左譽宴,一直都未有機會試於是家人今日特別落黎試下新野轉左好多個彎之後終於搵到家人坐o個張枱,呢間酒樓房間之多真係第一次見點心賣相平平,不過算幾大件例如蝦餃,流沙包等等都比起其他地方大腸粉上枱時已經切好一件件,唔需要自己再慢慢分,而且都幾足料,唔會一件先得半塊叉燒至於我至愛o既鳳爪就有d甩皮甩骨,有d失望南瓜肉碎粥夠大碗,都足料o既楊枝甘露變左西米露,味道太甜,柚子同芒果極少,而且勁細碗,最唔抵食價錢都可以接受,特價點心算係幾多,唔會迫到你冇得揀可惜食物質素同份量不足以彌補佢o既缺點1.我地張枱真係行到好入,好少有人行過,行出外面都唔見有人standby2.雖然門口有個制用黎呼叫侍應,但係按左好耐都未有人黎3.上菜極慢,坐低就即刻叫野食,再睇錶已經等左至少40分鐘4.黎錯左一樣野,前後叫左3個唔同o既人換,都要再等20分鐘5.負責呢區o既侍應粗魯,放低茶壺好大力,好彩要求加水都唔會敷衍了事最後全家結論係點都唔會再返黎食,去返隔離新光都至少一叫就有人應丫嘛p.s.我地坐o個邊其實係旁邊o既涮得棧,我地5個人如果係搭枱係傾唔到偈,所以被安排左黎呢邊坐,唔介意搭枱o既就應