時代冰室 (環球工商大廈) (已結業)

11點幾叫Lunch外賣，等到晏就2點先送嚟。過程中已幾次問係咪漏單，幾時會送到。只係交行貨回覆。外賣送到上嚟，餐又唔齊，all day breakfast 冇左個包，冇左個沙律。麵餐浸到漲卜卜，食物凍冰冰，又乾，野飲好似溝水咁。完全冇交帶，問嚟問去都係得個吉，一啲歉意都冇。如果係冇人送外賣，講聲丫大佬，我哋落嚟拎囉。個餐俾你擺到唔知食好定唔食好，叫你換過份，我驚到天黑先有得食。食lunch變食下午茶，仲要唔知食左啲乜落肚，谷鬼氣。