影片
更多
2013-06-17
212 瀏覽
本來尊程嚟大圍，想食裕富嘅鵪鶉蛋燒賣，但到達時已兩點半，裕富收咗市，估唔到星期日都冇下午茶...望吓、揾吓仲有乜其他茶樓... 見有間門面細細嘅即叫即整點心店，以為只做外賣，因為外面有好多人排緊隊，於是去食碗雲吞麵先，轉頭再過嚟買。返嚟見人龍已散，於是叫咗5個點心。點知...原來足足等咗35分鐘至有，早知去食麵前先落單啦！ 後來仲知樓上閣樓可以堂食，但相信地方都唔會大, 同埋都係一樣要等等等..囉！1. 春風得意腸(豉油另上) - 好味道 !腸粉包住炸菜，油炸鬼同肉鬆,食落好似食炸兩咁，如果用d糯米飯包住，咁就同食粢飯冇分別囉！2. 流沙奶黃包 - 味道普通!撇開個包，流沙不至於漏出嚟，奶黃好似帶有花生味，真係普通咗。3. 蜂巢芋角酥 - 正! 依家好少酒樓有炸芋角食啦，呢間整得真係好好味，雖然回程要焗住成20分鐘，但打開盒時都依然好脆呀！芋角外皮整得好酥好脆，d芋蓉又多，正！4. 蘿白糕 - 味道唔錯，大件。 5. 黑松露蘿白絲酥餅 - 同一般蘿白絲酥餅冇分別！ 總覺得黑松露味道同一般菇類冇乜分別，亦唔覺得個味特別濃，或者食親d都係平價嘢呱？！呢個黑松露蘿白絲酥餅都係一樣，所以..$
本來尊程嚟大圍，想食裕富嘅鵪鶉蛋燒賣，但到達時已兩點半，裕富收咗市，估唔到星期日都冇下午茶...望吓、揾吓仲有乜其他茶樓... 見有間門面細細嘅即叫即整點心店，以為只做外賣，因為外面有好多人排緊隊，於是去食碗雲吞麵先，轉頭再過嚟買。返嚟見人龍已散，於是叫咗5個點心。點知...原來足足等咗35分鐘至有，早知去食麵前先落單啦！ 後來仲知樓上閣樓可以堂食，但相信地方都唔會大, 同埋都係一樣要等等等..囉！
1. 春風得意腸(豉油另上) - 好味道 !腸粉包住炸菜，油炸鬼同肉鬆,食落好似食炸兩咁，如果用d糯米飯包住，咁就同食粢飯冇分別囉！
2. 流沙奶黃包 - 味道普通!撇開個包，流沙不至於漏出嚟，奶黃好似帶有花生味，真係普通咗。
3. 蜂巢芋角酥 - 正!
依家好少酒樓有炸芋角食啦，呢間整得真係好好味，雖然回程要焗住成20分鐘，但打開盒時都依然好脆呀！芋角外皮整得好酥好脆，d芋蓉又多，正！
4. 蘿白糕 - 味道唔錯，大件。
5. 黑松露蘿白絲酥餅 - 同一般蘿白絲酥餅冇分別！ 總覺得黑松露味道同一般菇類冇乜分別，亦唔覺得個味特別濃，或者食親d都係平價嘢呱？！
呢個黑松露蘿白絲酥餅都係一樣，所以..$22/2件，似乎貴咗囉！
題外話/補充資料：
如果佢哋出點心嘅時間可以縮短d，咁下次一定會再嚟幫襯囉！
(以上食評乃用戶個人意見 , 並不代表OpenRice之觀點。)
張貼
