影片
更多
2009-09-13
3 瀏覽
據聞, 呢間野好出名. 朋友係外國返香港探人, 話指定要黎呢間野試試.好, 咪去試囉...我地去到係8pm. 個waitress同我地講: "你地留低個聯絡電話, 去行下先. 大約等一個鐘. 差唔多到就會打俾你~"一個鐘?! 好, 我就睇下你值唔值. 時光飛逝, 一個鐘過去. 佢終於都打電話黎, 好啦! 有位喇... 去到... 原來... 仲要再等10分鐘... oh my god. 好喇, 終於入到去. 咁就叫左2個烏冬 (and sorry, 我真係唔記得個exact名因為個個名都鬼死咁長!). 一個係咖哩牛, 一個係 (豬骨底) 燒雞扒. then又叫左個雞翼. 咖哩牛烏冬: 唔算好辣, 但唔係d咖哩味唔淡架~ 顏色幾靚~ d牛本身係生既, 靠烏冬同d湯既熱力慢慢煮熟. 至於個主角 (即烏冬) 就好普通, 冇乜comment.(豬骨底) 燒雞扒烏冬: 佢係先上個烏冬因為d雞扒係分開一碟上. 我就覺得咁樣唔係幾好, 因為我覺得我好似叫左一個齋既烏冬 (佢menu真係有架) 再另加一碟小食咁. 唔, 所以佢變左一個比普通更普通既烏冬.雞翼: $28得4隻. 味道不錯, 不過唔多
朋友係外國返香港探人, 話指定要黎呢間野試試.
好, 咪去試囉...
我地去到係8pm. 個waitress同我地講: "你地留低個聯絡電話, 去行下先. 大約等一個鐘. 差唔多到就會打俾你~"
一個鐘?! 好, 我就睇下你值唔值.
時光飛逝, 一個鐘過去. 佢終於都打電話黎, 好啦! 有位喇... 去到... 原來... 仲要再等10分鐘... oh my god.
好喇, 終於入到去. 咁就叫左2個烏冬 (and sorry, 我真係唔記得個exact名因為個個名都鬼死咁長!). 一個係咖哩牛, 一個係 (豬骨底) 燒雞扒. then又叫左個雞翼.
咖哩牛烏冬: 唔算好辣, 但唔係d咖哩味唔淡架~ 顏色幾靚~ d牛本身係生既, 靠烏冬同d湯既熱力慢慢煮熟. 至於個主角 (即烏冬) 就好普通, 冇乜comment.
(豬骨底) 燒雞扒烏冬: 佢係先上個烏冬因為d雞扒係分開一碟上. 我就覺得咁樣唔係幾好, 因為我覺得我好似叫左一個齋既烏冬 (佢menu真係有架) 再另加一碟小食咁. 唔, 所以佢變左一個比普通更普通既烏冬.
雞翼: $28得4隻. 味道不錯, 不過唔多抵. 平d會好d. 不過個賣相幾靚. 其實可以叫一個齋烏冬另加呢個雞翼做伴菜, 反正咁樣同我叫個個 (豬骨底) 燒雞扒烏冬都一樣.
噢, 另外間餐廳好細, 都幾逼. 尤其係2個人share d烏冬, 想夾d烏冬時, 永遠都會將d湯彈到隔離張table. (註: 彈到自己件衫就一定. 建議大家去個時唔好著淺色衫, 否則...) 幾尷尬...
service一般. 冇黑面但又冇笑容. 不過服務都快既.
點野食就似d壽司店, 都係劃紙仔.
general comment: 普通囉. 我唔覺有乜咁impressive. 特別好味咩? 又唔係.
最特別咪係要等成粒鐘囉. 可能咁會令到人覺得正d掛 (雖然我真係認為呢間d烏冬冇乜咁特別.).
我覺得, 等一次一個鐘就好喇. 要我再去多次 (即等一個鐘), 我唔好去其他女人街既餐廳? 所以, 試過, 就算喇...
張貼