元朗花甲粉 (已結業)

其實已經食過不下廿次了，但一直無寫食評，趁今日得閒就寫下啦！食元朗花甲粉要等是常識吧。所以我通常揀一開鋪就到，避免等太耐，好彩嘅話甚至有位直入 。個人唔好花甲，比較中意叫百搭粉，配菜多數叫肥牛搭娃娃菜，菜肉均衡之餘又索湯，係我最愛嘅配搭。麵底方面多數揀粉絲，貪佢索湯惹味，份量多夠飽肚。配料方面，隨粉附上蔥茜炸蒜，唔要嘅可以唔剔。辣度就多數揀大麻大辣，因為我真係好食得辣同埋好中意麻嘅口感！如果唔食得辣/第一次食又想試辣嘅朋友叫BB辣好少出錯。真係好想食辣又怕連BB辣都食唔到嘅，可以落單果陣同佢哋單聲，會再輕手啲。上次有個女士就係咁叫。另外，老闆娘（aka花甲妹）好中意整嘅特色嘢飲嘢食比食客試。果日我去有西瓜汁可以係等位期間添飲，真係足料西瓜汁，飲得出無加糖，消暑解辣，正👍