影片
更多
2014-05-21
1095 瀏覽
17-5-2014 (Sat)中午,同男友出發去沙田o既香港文化博物館睇宮崎駿動畫手稿展,先o黎呢間食埋辛苦儲到o既半價海南雞飯,原價$58.00,我o地搵到喇,我o地坐低後,男友揀$64.00o既青咖哩牛肉配油鬆餅,再叫o野飲,我要$16.00o既凍檸蜜,男友要$25.00o既巨峄提子乳酸.剔完後至睇到,原來全日飲品半價,早知我都叫特飲啦.而o野飲好快到o黎,男友o個杯巨峄提子乳酸顏色好靚,我試吓飲,提子同乳酸味均勻,裡面都有碎冰粒,都唔錯. 我o既凍檸蜜就一般,顏色同凍檸水差唔多,唔係我飲到少少蜜糖味,都唔記得係叫o左凍檸蜜. 兩分鐘後男友o既油鬆餅到o黎,我o地繼續等,等多9分鐘,我o既海南雞飯到o黎,賣相都係一樣冇問題,除o左雞胸肉外,重有一截仔雞翼,湯係青紅蘿蔔湯.食件雞先,雞肉仍嫩唔肥膩,酸蘿蔔好味,但青瓜唔甜,而油飯呢?雞油味香但啲飯係唔夠水煲透,而且飯o既中間原來係冇雞油,即係話,呢o度唔係將雞油加落啲米o度同煲,而係清水煲熟後上碟至淋上去. 而青紅蘿蔔湯,男友飲o左話好飲,重叫我趁熱飲,咁我就飲啦, 湯o既味道清生甜,冇加味精,但青紅蘿蔔有根同唔腍. 距離海南
剔完後至睇到,原來全日飲品半價,早知我都叫特飲啦.而o野飲好快到o黎,
男友o個杯巨峄提子乳酸顏色好靚,我試吓飲,提子同乳酸味均勻,裡面都有碎冰粒,都唔錯. 我o既凍檸蜜就一般,顏色同凍檸水差唔多,唔係我飲到少少蜜糖味,都唔記得係叫o左凍檸蜜.
兩分鐘後男友o既油鬆餅到o黎,
我o地繼續等,等多9分鐘,我o既海南雞飯到o黎,
賣相都係一樣冇問題,除o左雞胸肉外,重有一截仔雞翼,湯係青紅蘿蔔湯.食件雞先,雞肉仍嫩唔肥膩,
酸蘿蔔好味,但青瓜唔甜,而油飯呢?雞油味香但啲飯係唔夠水煲透,而且飯o既中間原來係冇雞油,即係話,呢o度唔係將雞油加落啲米o度同煲,而係清水煲熟後上碟至淋上去. 而青紅蘿蔔湯,男友飲o左話好飲,重叫我趁熱飲,咁我就飲啦, 湯o既味道清生甜,冇加味精,但青紅蘿蔔有根同唔腍. 距離海南雞上枱時間後7分鐘,男友o既青咖哩牛肉至到,距離落單時間有21分鐘,佢o既咖哩雜菜就多的是,
牛肉最多得5片,
少成咁,我都只敢試食半件,牛肉口感有啲老,麻麻;而青咖哩係流入喉嚨至辣,不過都唔係太辣,亦食到有椰汁味.而放涼o左o既油鬆餅就開始有啲硬啦.
味道係2.76分
服務:
呢間幾得意,唔似荃灣o個間咁,自由搵位,就算有位都要佢o地俾飛安排我o地坐邊o度.
上菜超慢同唔多配合,油鬆餅一早到但青咖哩牛肉最後至到,咁蘸青咖哩汁o既油鬆餅味凍晒唔好食囉?覺得呢間o野似唔願或唔憂做咁.
環境:
光猛同都算闊落.
衛生:筷子頭仍有污漬.
其他:
用由儲到o既印花換半價海南雞飯後,就要重頭儲過,而今次張咭o既到期日係7月30日咁短時間,上 次o個張冇一年限期都有半年,荃灣o個間冇o左,呢間又等得耐同麻麻地好食,咁攪法我諗幾難會再食.不過好多謝佢收少我o地$0.50同俾o左兩個印花.(幫趁滿$60.00有一個印花)
張貼
