嘆撈

營業中

休息中

晚飯過後時間尚早，想食甜品就去井財街，難得去到門口見到唔駛等位，即刻狗衝去食。想試窩夫但又怕太飽，同事推介呢度嘅法式焦糖燉蛋，原來仲配雪糕手，岩晒我同亞女share!好快就有得食，焦糖燉蛋睇得出厚厚一層焦糖，一敲即碎，好治癒，但個人覺得焦糖略多，而燉蛋口感順滑而且味道較淡，一啖食落去重重甜味但就食唔到蛋香，感覺被焦糖完全霸佔味覺。自選雪糕揀左朱古力味，好圓好實淨，配有忌廉同焦糖脆脆，肥到極緻，反正我冇食過呢個雪糕就俾大小姐鯨吞左。食完接近晚上9點，店舖內開始多人幫襯，門口亦開有人等位，奉勸各位想食就要早少少喇。