第五街冰室 (已結業)

今晚在竹園廣場地下嗰間「第五街冰室」晚飯，餐廳裝修得幾有特色，有很多figures擺設，地方整齊企理，而且餐牌選項非常多元化，小菜、西餐，樣樣有齊。我哋點咗幾個小菜。清蒸石斑蒸得啱啱好，肉質嫩滑又富魚香，沾少許豉油吃，更添滋味！豆腐雙腩煲，雙腩係魚腩同火腩，魚腩新鮮炸起再入煲，入口外脆內軟；火腩肥瘦適中，肉同肥膏比例各佔一半，味道唔會過鹹，豆腐索晒啲燒汁，非常惹味。BB乳鴿即點即炸，皮脆肉嫩又富肉汁，唔使點淮鹽同喼汁食都已經好夠味。另外呢個香芋臘味滑雞煲水準亦唔錯，雞件肉嫩多汁、芋頭粉軟綿糯，臘味有臘腸、潤腸同臘肉，鹹香惹味，用嚟佐飯一流！