宙串燒日式食堂

青衣近排開左間新日本串燒店，已經去左兩次。

1

牛肚丼

今次就試左個牛肚丼，上菜時因為用金屬碗，所以好熱，醬汁同牛肚撈勻之後食，醬汁幾濃幾好味。牛肚可能因為細條，份量如果再多少少會更好。

炸薯條正

薯條新鮮炸起夠曬熱，好好味，同埋18蚊都幾大份，感覺好抵。枝豆反而比想象中份量少，同埋係凍食，個人比較鍾意熱食的枝豆。串燒反而好似無咁吸引，試左串小蕃薯，細細粒甜甜地都幾好味。

整體上呢間日式店食物質素唔差，可以再去。