囍筷自家菜 (已結業)

呢座大廈入咗伙成年幾，d 食肆終於陸陸續續開業。不過，除了間酒樓比較正常之外，間西餐廳非常貴又不是特別好食，而呢間就更是令我與同事非常火滾。

話說星期一天陰陰，又落雨，費時行出去食，之前又成日飲茶，就試下呢間。

12:45 去到，已超多人，我們一行十人要等位。如此一等都要等 20 分鐘。呢個都不是我們不滿的原因。之後坐低，分別有三個 staff 話執「木台」，但執了三次都未執完，咁都算，見人多，我地馬上找人落單，而我們當中有八人都要了豬軟骨米線，其中有人要走辣。非常簡單的 order，估唔到咁都出事。

首先大家的餐飲先嚟，ok， fine，跟住到 1:20pm 先有幾碗米線上。之後就再無食物來... 期間我地追咗無數次，都話「跟緊」、「煮緊」... 但就係無得食...

到最後，要去到 1:45 至o黎，大家遲晒到。

實在不明白為何可以如此無效率﹗

不過，我們不算最慘，隔離 「木台」同我們同一時間坐低，到我們走的時間食物仍未到齊。其中有人要燒味，但原來早已賣完，但個 staff 又唔識出聲叫人轉其他。而有個要意粉的，意粉來了但無俾叉佢...

又聽到有客嘈話，俾錢期間個外賣俾其他人攞咗。

Anyway, 總之就是得個亂字。本來高級茶餐廳格局，d 位又幾好坐，但如此服務，d 食物好食到飛天 d 客都唔會再去啦。

希望 run 熟咗之後有改善。