影片
更多
2021-02-01
632 瀏覽
第一次食omakase之前想食好耐，但一直見到價格唔平，所以有啲卻步。但今次竟然比我搵到午餐只係$298，所以嗱嗱臨Book位去食😂今次佢book咗平日12:30 ，去到嗰時人流唔多，職員主動帶我哋去吧枱位，餐廳亦有唔係吧枱位選擇。午市得兩個餐選擇，第一次食揀咗平啲個餐，另外再加一隻蠔（$68）。師傅會喺雪櫃攞隻蠔出嚟即場開，再喺上面加少少汁，個汁幾清新都唔錯，而且蠔好大隻。去到主菜部份一共有九件壽司，包括有甜蝦，鯛魚，帶子，鮑魚，海膽，吞拿魚等等。壽司配搭得好好，食得出海鮮好鮮味，師傅會喺海鮮上面加唔同嘅配料或者汁令到鮮味更加突出。而且有啲壽司會用火炙嘅方法，魚肉入口即溶，超級好味。😋海膽鮮甜，冇腥臭味。食到第八件壽司本身覺得唔係好夠飽，但原來最後嗰個係手卷嚟。手卷大大嚿好足料，所以食完即刻飽咗。食物水準屬於上等。👍🏻之後仲有茶碗蒸，同埋蕃茄湯，甜品仲有個雪糕🍦呢幾樣野就冇咩特別坐吧枱嘅好處係師傅會望住你食嘢嘅速度嚟整下一件壽司， 而且可以望住師傅整壽司，師傅整完會講解壽司係乜嘢嚟並建議最佳食法。一開始去到上菜速度正常，但當過咗一排之後人流開始多，上菜速度就會等好耐😖但整體來講第一次
之前想食好耐，但一直見到價格唔平，所以有啲卻步。但今次竟然比我搵到午餐只係$298，所以嗱嗱臨Book位去食😂
今次佢book咗平日12:30 ，去到嗰時人流唔多，職員主動帶我哋去吧枱位，餐廳亦有唔係吧枱位選擇。午市得兩個餐選擇，第一次食揀咗平啲個餐，另外再加一隻蠔（$68）。師傅會喺雪櫃攞隻蠔出嚟即場開，再喺上面加少少汁，個汁幾清新都唔錯，而且蠔好大隻。
去到主菜部份一共有九件壽司，包括有甜蝦，鯛魚，帶子，鮑魚，海膽，吞拿魚等等。壽司配搭得好好，食得出海鮮好鮮味，師傅會喺海鮮上面加唔同嘅配料或者汁令到鮮味更加突出。而且有啲壽司會用火炙嘅方法，魚肉入口即溶，超級好味。😋海膽鮮甜，冇腥臭味。食到第八件壽司本身覺得唔係好夠飽，但原來最後嗰個係手卷嚟。手卷大大嚿好足料，所以食完即刻飽咗。食物水準屬於上等。👍🏻之後仲有茶碗蒸，同埋蕃茄湯，甜品仲有個雪糕🍦呢幾樣野就冇咩特別
坐吧枱嘅好處係師傅會望住你食嘢嘅速度嚟整下一件壽司， 而且可以望住師傅整壽司，師傅整完會講解壽司係乜嘢嚟並建議最佳食法。
一開始去到上菜速度正常，但當過咗一排之後人流開始多，上菜速度就會等好耐😖
但整體來講第一次食omakase體驗唔錯，會食得出好多唔同組合嘅壽司同埋壽司都好新鮮，值得一試😆
張貼
