影片
更多
2019-08-29
114 瀏覽
冇食過其他分店, 第一次食呢間, 好難食。酸辣湯底冇酸味, 好似就咁浸鮮辣椒嘅湯味。醉雞米線隻雞色水好怪, 冇酒味, 亦冇味道可言, 唔講唔知食緊係雞, 湯底我估係雞湯, 但唔肯定, 因為真係唔知食緊咩。另外唔知點解醉雞米線要落蔥, 有啲九唔搭八。啲配料一係似縮咗水咁細細舊, 一係似唔覺意畢咗落你碗咁得個一粒。本來想轉烏冬, 但對面搭枱女士食完講咗句"似係唔靚嘅烏冬", 於是我照食米線, 不過都係屬於唔靚嘅米線。 米線口感, 就好似我阿媽訓過龍唔記得熄火, 煮咗15分鐘嘅米線一樣, 已經唔彈牙, 但又未至於發漲兼易碎, 夾到落口。蝦餅第一眼望落份量都幾多, 夾起就發現係幻覺。每塊好似廚師用銳利刀工輕輕一切, 一分為二, 食到空氣嘅口感, 味道平心而論算正常。朋友評價墨丸都不錯, 杞子蜜都足料不過稍嫌太甜。說實話, 真係未食過咁難食嘅米線, 不過亦聽見鄰桌食客表示已經係第二次嚟, 狀甚欣賞, 希望係小弟有眼不識泰山。冇圖, 返到屋企愈諗愈嬲。
酸辣湯底冇酸味, 好似就咁浸鮮辣椒嘅湯味。
醉雞米線隻雞色水好怪, 冇酒味, 亦冇味道可言, 唔講唔知食緊係雞, 湯底我估係雞湯, 但唔肯定, 因為真係唔知食緊咩。另外唔知點解醉雞米線要落蔥, 有啲九唔搭八。
啲配料一係似縮咗水咁細細舊, 一係似唔覺意畢咗落你碗咁得個一粒。本來想轉烏冬, 但對面搭枱女士食完講咗句"似係唔靚嘅烏冬", 於是我照食米線, 不過都係屬於唔靚嘅米線。
米線口感, 就好似我阿媽訓過龍唔記得熄火, 煮咗15分鐘嘅米線一樣, 已經唔彈牙, 但又未至於發漲兼易碎, 夾到落口。
蝦餅第一眼望落份量都幾多, 夾起就發現係幻覺。每塊好似廚師用銳利刀工輕輕一切, 一分為二, 食到空氣嘅口感, 味道平心而論算正常。
朋友評價墨丸都不錯, 杞子蜜都足料不過稍嫌太甜。
說實話, 真係未食過咁難食嘅米線, 不過亦聽見鄰桌食客表示已經係第二次嚟, 狀甚欣賞, 希望係小弟有眼不識泰山。
冇圖, 返到屋企愈諗愈嬲。
張貼