肥仔號

營業中

休息中

朋友在MSN透露，今年吃過幾次大閘蟹。自小對蟹敏感既我，從來對大閘蟹絕緣，每年大閘蟹季節，大家興緻勃勃地食蟹，我只有獨自傷感。不過，今年年初，正式克服了對蟹的敏感，參與了大家的大閘蟹宴。大伙兒去一人的家中吃大閘蟹宴，買蟹和蒸蟹既工作已有人包辦。當然，有雞鴨鵝魚菜等其他食物，但主打是食大閘蟹，其他食物不在此文評論。七個人買左廿五隻大閘蟹，每人分到三隻幾。我自問沒有食力吃咁多，一公一乸就夠皮。蟹公不算特別多羔，不過比較結實，而且又有白色的羔，味道十分甘香，同時，蟹身亦多肉，我也不會浪費。一隻蟹乸，相對細隻一點，但蟹羔顏色呈橙，也很吸引。味道方面，一樣濃郁。大閘蟹後有花雕和薑茶驅寒，悉隨尊便。