雷橋燒肉日本料理 (已結業)

星期六，係銅鑼灣行左陣街，行到5點幾開始肚餓，突然間好想食燒烤。之後就去左個fd介紹既雷橋燒肉日本料理。6點半入到去，地方都算大感覺唔錯。首先叫左啲刺身，甜蝦、三文魚、帆立貝粒、吞拿魚、白玉豚、素鮑片、帶子、螺肉等等，食落去都非常爽口非常新鮮！到主菜喇，就係烤肉喇，有牛有豬。唔同部位同款式。蔥醬油帶骨牛肋肉，醬油豬頸肉，一口牛肋肉,蔥醬油牛胸腹等等，爽口彈牙，好味，叫完又叫呀。最後食完咁多野，黎左一杯雪糕，朱古力味，仲要係MOVENPICK既，正！過左一個豐富晚上！