拍板餐廳酒廊

朋友買左呢間團購coupon，幫我慶祝生日之順便食番個西餐晚餐。去到門口見到好大一個拍板，裡面裝潢都好靚好靚就連個menu都整左拍板型既封面，有feel又有特色！不過menu我唔記得影....

見唔見到?我本來都無咩留意，朋友講我知先後知後覺，原來呢度既沙律同酥皮湯都無限供應嫁真係十個趣啊！！！

前菜係甜柑沙律,份量雖少，但係味道俱全，而且仲可以再要

甜柑沙律，柑又真係一D都唔酸喎，又甜又多汁。

最初我以為沙律菜只係就咁食，但原來本身已經有少量醋及橄欖油拌過，good！

皮酥得均勻，完全唔會邊邊多左粉，由左到右都酥酥脆脆，好味啊

湯係龍蝦濃湯，有好濃郁既龍蝦味，酥皮(yum)左D湯又另係一種味道了。

主菜六選一真係好難簡，最終我地決定加30蚊upgrade，食安格斯牛扒！！

牛扒要5成熟，因為我地比較生嫩D！塊扒好大，比我手掌仲大D TIM切開中間肉色仍然有嫩紅色，食落有D炭味，好juicy！配菜有我好中意食既粟米仔，爽甜。

最後都有份好正既甜品XD！！雲呢拿雪糕泡芙，真材實料！中間有滿滿既雪糕，夠冰滑 好食！