8:00喺外面等佢哋，結果遲咗5分鐘先開門。裏面個阿姐同我講晒Sorry。人之常情，五分鐘啫！
但一開門一陣好勁嘅up味，似啲枱布味，似空氣唔流通嘅味，咁我都原諒嘅，佢哋應該未開冷氣！
2
結果我叫咗牛腸，叉燒包，最開心嘅係佢哋可以叫兩粒燒賣併兩粒蝦餃，咁就可以試好多喇。
佢哋嘅牛腸，係即叫即拉，好新鮮好好食！
蝦餃燒賣都好正，啲皮薄薄嘅，佢燒賣嘅肉好有咬口，啲蝦都好新鮮！
叉燒包佢哋做得幾好，唔似外面一批一批入貨嗰種。好軟熟。
呢間嘢可以encore，高質素！枉我係度等佢哋等咗20分鐘，因為要即刻蒸嘅！
