星期六中午經過鵝頸橋, 見到有郎田日式放題廣嘅告牌, 於是同媽咪上去試下.
12點半入到去竟然無人, 我哋係第一檯客, 已經有啲擔心, 因為一般好味又抵食嘅放題就算唔使訂位都應該要排隊的.
不過, 既來之則安之.
三文魚 / 白肉豚 / 飽魚刺身拼盤 - 三文魚無乜鮮味, 白肉豚好腥, 唔識欣賞, 好彩只要了兩件試吓, 而啲飽魚食就唔出係真飽囉! 最慘係啲芥辣一啲都唔辣, 無奈
燒老虎蝦/牛頸脊/牛舌 - 虎蝦無味, 死死木木; 牛頸脊到好韌, 吞唔落; 牛舌都係好韌.
天婦羅 - 唯一令人滿意嘅菜色, 啲蝦大隻, 新鮮, 炸漿亦脆口, 好味.
炸芝士年糕 - 芝士年糕好難食, 質感好似泥漿而沒有糯米粉那種煙韌, 亦無芝士嘅香味, 跟大喜屋嗰啲貨色差好遠.
吉列生蠔 - 粉漿很厚, 生蠔超細, 仲幾腥吓.
壽司 - 啲壽司飯好硬, 好似隔咗夜咁, 鋪面嘅甜蝦尚算新鮮, 但赤貝就完全無鮮味, 鰻魚就更加唔店, 好似食紙皮咁.
雪糕 - 有芝麻, 綠茶, 曲奇, 朱古力四種口味, 食完再添多一次, 成餐飯竟然最好食就係雪糕, 有點另我啼笑皆非!!!
因為食物質數強差人意, 除了雪糕之外, 全部都 『一 TAKE 過 』, 無再 『 Encore 』.
