佳記甜品 (已搬遷) 新店位置

第一次尼食B仔涼粉，好期待呀lol，我地一行十二個人叫左好多野食，落完單之後五分鐘鬆啲就到左喇。B仔涼粉既份量真係好多好足料，有蜜瓜、哈蜜瓜、大樹菠蘿、椰果，水果下面係涼粉喇，每種水果都有好足夠既份量，一大班人分就真係啱啱好。蜜瓜同椰果夠晒甜，但系大樹菠蘿就酸左小小。涼粉味道原來冇咩太特別，但爽口好有咬勁，食到停唔到口另外因為好肚餓所以嗌左啲熟食，例如魚蛋、腸粉，全部都冇咩特別，亦都好難有咩特別，同街邊果D差唔多，但肚餓就特別好食聽講雞翼尖都幾出名，但自己唔食得辣，與它無緣